"Уйжойфондинспекция" Сурхондарё вилоят ҳудудий инспекцияси томонидан Жарқўрғон туманида “Сайёр суд” мажлиси ўтказилди. Унда кўп қаватли уй-жойларнинг мулкдорлари томонидан уйнинг ички қисмлари ва балконларни ҳамда туташ ҳудудларни ўраб олиш ҳолатларини содир этган фуқаролар ишлари кўриб чиқилди. Суд жараёнида айбдор фуқароларга маъмурий жарималар қўлланилиб, йўл қўйган хатолари бўйича тегишли тушунтиришлар берилди.

   Бугун Жарқўрғон туман ҳокими Б.Ўрақов томонидан тумандаги 1-сектор штабида сайёр қабул бўлиб ўтди. Қабул жараёнида сектор ҳудудидаги фуқаролар томонидан ўзларини қийнаб келаётган муаммолар: моддий кўмак, иш билан таъминлаш, маҳаллалардаги умумхўжалик муаммолар, уй-жойни кадастр рўйхатидан ўтказишда ёрдамлашиш каби бир қатор масалаларда мурожаат қилдилар.

   Бугун Жарқўрғон туман ҳокимлигида туман ҳокими ўринбосари А.Раджабов раислигида “Жарқўрғон туманида маҳаллаларда амалга оширилаётган ишлар жараёни" мавзусида матбуот анжумани бўлиб ўтди. Унда туман Маҳалла ва оилани қўллаб-қувватлаш бўлими ўринбосарлари, маҳаллалар раислари, журналист ва блогерлар иштирок этдилар.

    Футбол бЎйича  Миллий терма жамоа ҳамда Италиянинг "Женоа" клуби аъзоси Элдор Шомуродов бугун Жарқўрғон туман Болалар-ўсмирлар спорт мактабига ташриф буюрди. Европа майдонларида ўзининг тезкорлиги ва тўпурарлиги билан ном қозонаётган футболчимиз бу ерда ёш футболчилар билан учрашиб мастер-класс ташкил этди. 

    Жарқўрғон туманида 4 та сектор раҳбарлари бошчилигида Юртбошимиз белгилаб берган кўрсатмалардан келиб чиқиб, ғалла ва эртанги экинлар ҳосилидан бўшаган майдонларга қишлоқ хўжалиги экинларини экиш мақсадида ҳудудларда битирувчи ёшларга ҳам 10 сотиҳдан ер майдонлари ажратиб берилмоқда.