Жарқўрғон туман маданият бўлими тасарруфидаги Какайди маданият марказида  5 та муҳим ташаббуснинг биринчи йўналиши бўйича "Карнай-сурнай садолари"  мавзусида марказ қошидаги ижодий тўгараклар қатнашчилари ўртасида кўрик-танлов бўлиб ўтди. Танловда иштирок этган ўқувчи-ёшлар ўзларининг ушбу касбни қай даражада ўзлаштиришаётганини намоён қилдилар.

   Жарқўрғон туманида бир қанча маҳалла фуқаролар йиғинлари ўз идорасига эга бўлмасдан мактаб ва ташкилотлар биносидан фойдаланиб келишар эди. Шу сабаб жорий йилда бир қанча маҳаллалар учун бинолар қуриб берилмоқда. Бугун ҳам туман ҳокимлиги ташаббуси билан “Оби ҳаёт” маҳалласи учун давлат хусусий шерикчилиги асосида янги бино қуриб берилди.

   Аҳолини рўйхатга олиш баробарида яна бир муҳим вазифани бажариш кўзда тутилган. Бу — ҳудудларни хариталаш, аҳоли пунктларидаги уйларнинг рўйхатини тузиш билан боғлиқ масала.

   Мамлакатимиз мустақилликка эришгач, давлатнинг маънавий кўриниши акс этган рамзий белгилари қабул қилина бошланди. Хусусан, 1992 йил 2 июнь куни давлатимиз тарихида яна бир муҳим қарор эълон қилинди.  Ўзбекистон Республикаси рамзларидан бири- давлат Герби қабул қилинди. Шу кундан эътиборан, давлатимиз ўз мадҳияси, байроғи ва герби билан бутун дунё ҳамжамиятида танила бошлади.

   Ёшлар ўртасида спортни янада ривожлантириш ҳамда уларнинг бўш вақтини мазмунли ташкил этиш мақсадида Жарқўрғон туманида спортнинг волейбол тури бўйича қизлар ўртасида "Ёшлар агентлиги кубоги" мусобақалари бўлиб ўтди.