O‘zbekiston Respublikasi Prezidentining “2022-2024 yillarda O‘zbekiston Republikasining ijtimoiy ishlab chiqarish infratuzilmasini rivojlantirish chora-tadbirlari” to‘g‘risidagi qaroriga asosan Jarqo‘rg‘on tumanida dasturga kiritilgan ob’ektlarida qurilish-montaj ishlari boshlab yuborildi. Joriy yilda tumanimizdagi 60-sonli umumta’lim maktabiga 140-o‘rinli qo‘shimcha bino qurish hamda maktabni rekonstruksiya qilish, "Oftobqo‘rg‘on" mahallasidagi faoliyat yuritmayotgan 48-sonli maktabgacha ta’lim tashkiloti binosini rekonstruksiya qilish ishlarini dastur asosida amalga oshirish rejalashtirilgan.
Ayni kunlarda Dasturga kiritilgan 60-sonli umumta’lim maktabiga qo‘shimcha bino qurish ("Absalom Qurilish" MChJ tomonidan amalga oshirilmoqda) hamda 48-sonli maktabgacha ta’lim tashkilotini rekonstruksiya qilish ("Zilol Ostona Termiz" MChJ tomonidan) ishlari boshlab yuborildi.
Jarqo‘rg‘on tumani hokimligi Axborot xizmati.
© Jarqo`rg`on tumani hokimligi veb-saytlari 2024