Халқимизда эрта эккан, эрта ўради, деган нақл бор. Буни чин дилдан ҳис этган жарқўрғонлик бободеҳқонлар ўтган йилнинг сентябрь ойида ерга уруғ қадашни бошлаган эдилар. Айни кунларда эса ўша эрта экилган ғаллалар бўй чўзиб, ош чиқара бошлади. Жорий йилда 8180 гектар майдонда ғалла етиштираётган туманимиз деҳқонлари ҳосилдорликни 75 центнерга етказиш учун пухта замин яратиб, агротехника қоидаларини бекаму-кўст бажаришгани боис, ғалла етилиши ҳам шунга яраша бўлмоқда.

Jarqo'rg'on tuman hokimligi axborot xizmati.